On jasar bala jol qozǵalysy erejelerin buzýshylardyń sońyna túsken patrýl kóliginiń astyna túsip qaldy, dep habarlaidy Almatynyń ishki ister departamenti.
Oqiǵa dúisenbi kúni tańerteń Jangeldin kóshesiniń boiynda oryn aldy. Balanyń aiaǵy synyp, №4 Qalalyq klinikalyq aýrýhanaǵa jetkizildi. Oqiǵa saldarynyń beinesi áleýmettik jelide taratyldy: politseilerdiń biri jylap jatqan balany kóterip tur, adamdar jinalyp qalǵan.
"Ákimshilik politsiia basqarmasynyń mamandandyrylǵan batalon ekipajy JJE buzyp, qoǵamdyq kólikke arnalǵan jolaqpen qashyp ketpek bolǵan avtokóliktiń sońyna túsken. Politsiia kóligi jaryqdybys belgilerimen kele jatqan. Ókinishke qarai, qyzmettik kóliktiń júrgizýshisi tizginge ie bola almai, 2007 jylǵy jaiaý júrginshini qaǵyp ketti. Balany politsiia qyzmetkerleri jaqyn jerde ornalasqan meditsinalyq mekemege tez arada jetkizdi. Dárigerler aldyn-ala aiaq syný diagnozyn qoidy", — dep habarlady Sputnik Qazaqstan tilshisine Almaty IID baspasóz hatshysy Saltanat Ázirbek.
JKO deregi boiynsha tekserý bastaldy. Politsiia qyzmetkerlerine qatysty qyzmettik tekseris júrgizilip jatyr.
Oqi otyryńyz
