ون جاسار بالا جول قوزعالىسى ەرەجەلەرٸن بۇزۋشىلاردىڭ سوڭىنا تٷسكەن پاترۋل كٶلٸگٸنٸڭ استىنا تٷسٸپ قالدى, دەپ حابارلايدى الماتىنىڭ ٸشكٸ ٸستەر دەپارتامەنتٸ.
وقيعا دٷيسەنبٸ كٷنٸ تاڭەرتەڭ جانگەلدين كٶشەسٸنٸڭ بويىندا ورىن الدى. بالانىڭ اياعى سىنىپ, №4 قالالىق كلينيكالىق اۋرۋحاناعا جەتكٸزٸلدٸ. وقيعا سالدارىنىڭ بەينەسٸ ەلەۋمەتتٸك جەلٸدە تاراتىلدى: پوليتسەيلەردٸڭ بٸرٸ جىلاپ جاتقان بالانى كٶتەرٸپ تۇر, ادامدار جينالىپ قالعان.
"ەكٸمشٸلٸك پوليتسييا باسقارماسىنىڭ مامانداندىرىلعان باتالون ەكيپاجى ججە بۇزىپ, قوعامدىق كٶلٸككە ارنالعان جولاقپەن قاشىپ كەتپەك بولعان اۆتوكٶلٸكتٸڭ سوڭىنا تٷسكەن. پوليتسييا كٶلٸگٸ جارىقدىبىس بەلگٸلەرٸمەن كەلە جاتقان. ٶكٸنٸشكە قاراي, قىزمەتتٸك كٶلٸكتٸڭ جٷرگٸزۋشٸسٸ تٸزگٸنگە يە بولا الماي, 2007 جىلعى جاياۋ جٷرگٸنشٸنٸ قاعىپ كەتتٸ. بالانى پوليتسييا قىزمەتكەرلەرٸ جاقىن جەردە ورنالاسقان مەديتسينالىق مەكەمەگە تەز ارادا جەتكٸزدٸ. دەرٸگەرلەر الدىن-الا اياق سىنۋ دياگنوزىن قويدى", — دەپ حابارلادى Sputnik قازاقستان تٸلشٸسٸنە الماتى ٸٸد باسپاسٶز حاتشىسى سالتانات ەزٸربەك.
جكو دەرەگٸ بويىنشا تەكسەرۋ باستالدى. پوليتسييا قىزمەتكەرلەرٸنە قاتىستى قىزمەتتٸك تەكسەرٸس جٷرگٸزٸلٸپ جاتىر.
وقى وتىرىڭىز
