Almatydaǵy terakt kezinde qaza tapqan UQK Shekara akademiiasynyń kýrsanty Meiirhan Bitimniń denesi 9 qańtarda Aqtaýǵa jetkizildi. Bul týraly Mańǵystaý oblysy ákiminiń baspasóz qyzmeti ókili málimdedi, - dep habarlaidy Tengrinews.kz tilshisi.
Óńir basshysy Nurlan Noǵaev marqumnyń týystary men jaqyndaryna kóńil aitty. Sondai-aq, onyń jarqyn beinesi mańǵystaýlyqtardyń máńgi esinde qalatynyn jetkizdi.
"Meiirhan Erjanuly Otany úshin janyn qidy. Ol terrorister qolynan qaza tapty. Ol bar bolǵany 19-da edi. Bul qaiǵyly habar bárimizdiń kóńilimizge qaiaý saldy. Máńgi esimizde qalady. Ata-anasy men jaqyndaryna sabyr bersin", - dedi oblys ákimi.
Meiirhan Bitim - Aqtaýdaǵy №11 mamandandyrylǵan fizika-matematika baǵytyndaǵy gimnaziia túlegi. Almatydaǵy UKQ Shekara akademiiasynda 2-kýrsta oqyǵan. Marqumdy jerleý rásimi 10 qańtarda ótedi.
