الماتىداعى تەراكت كەزٸندە قازا تاپقان ۇقك شەكارا اكادەميياسىنىڭ كۋرسانتى مەيٸرحان بٸتٸمنٸڭ دەنەسٸ 9 قاڭتاردا اقتاۋعا جەتكٸزٸلدٸ. بۇل تۋرالى ماڭعىستاۋ وبلىسى ەكٸمٸنٸڭ باسپاسٶز قىزمەتٸ ٶكٸلٸ مەلٸمدەدٸ, - دەپ حابارلايدى Tengrinews.kz تٸلشٸسٸ.
ٶڭٸر باسشىسى نۇرلان نوعاەۆ مارقۇمنىڭ تۋىستارى مەن جاقىندارىنا كٶڭٸل ايتتى. سونداي-اق, ونىڭ جارقىن بەينەسٸ ماڭعىستاۋلىقتاردىڭ مەڭگٸ ەسٸندە قالاتىنىن جەتكٸزدٸ.
"مەيٸرحان ەرجانۇلى وتانى ٷشٸن جانىن قيدى. ول تەرروريستەر قولىنان قازا تاپتى. ول بار بولعانى 19-دا ەدٸ. بۇل قايعىلى حابار بەرٸمٸزدٸڭ كٶڭٸلٸمٸزگە قاياۋ سالدى. مەڭگٸ ەسٸمٸزدە قالادى. اتا-اناسى مەن جاقىندارىنا سابىر بەرسٸن", - دەدٸ وبلىس ەكٸمٸ.
مەيٸرحان بٸتٸم - اقتاۋداعى №11 مامانداندىرىلعان فيزيكا-ماتەماتيكا باعىتىنداعى گيمنازييا تٷلەگٸ. الماتىداعى ۇكق شەكارا اكادەميياسىندا 2-كۋرستا وقىعان. مارقۇمدى جەرلەۋ رەسٸمٸ 10 قاڭتاردا ٶتەدٸ.
