Seismologtar Almatyda búgin tań ata bolǵan jer silkinisiniń sebebin aitty. Mamandardyń sózinshe, mundai oqiǵa qaitalanýy múmkin, dep habarlaidy Ult.kz tilshisi QazAqparat agenttigine silteme jasap.
«Búgin tańǵy saǵat 5-28-de bolǵan jer silkinisine qatysty jiyn ótedi. Qytaidaǵy jer silkinisinen keiingi aftershok sany (negizgi jer silkinisinen keiingi qaitalanǵan tolqyndar) 40 shamasynda boldy. Bizge bireýi ǵana keldi», - dedi «Seismologiia institýty» JShS direktory Ánýar Boranbaev.
Onyń aitýynsha, jer silkinisine birneshe sebep bolǵan. Sonyń biri - planetalardyń (ǵalamsharlar) qozǵalýy.
«Gravitatsiia degen uǵym bar. Ai shar retinde Jerge tartylys alańyn beredi. Bul Aidyń tutylǵanynan emes, ǵalamsharlardyń qozǵalýynan. Bul jerde syrtqy faktor áser etti. Munymen qatar, Ortalyq Aziiada jáne Qytaidyń jartysynda 2-den 6 ballǵa deiingi seismikalyq terbelister bolyp turýy yqtimal», dedi Boranbaev.
Eske sala keteiik, 9 tamyz kúni Almatydan 485 shaqyrym qashyqtyqta saǵat 05-28-de jer silkinisi tirkeldi.
