Almatyda kólikti turaqqa qoiý erejesin buzǵan júrgizýshi men jol patrýldik politsiia qyzmetkeriniń arasynda janjal shyqty. Osy oqiǵanyń videosy áleýmettik jelide jariialandy, - dep habarlaidy Tengrinews.kz tilshisi.
Almaty IID ókilderi oqiǵanyń 15 qańtarda 12:30-da Jibek joly jáne Qonaev kósheleriniń qiylysynda bolǵanyn aitady. BMW X5 júrgizýshisi, 1985 jylǵy er adam aqyly turaqtyń janynda ruqsat etilmegen jerge kóligin turaqqa qoiǵan, sosyn ákimshilik jaýapkershilikke tartýǵa kedergi jasaǵan.
Videoda er adamnyń kólik bir qolynda avtokóliginiń tirkeý nómirin ustap ashýlanǵany, politseimen sóilesip, kiiminen julqyp ustaǵany túsirilgen. Óz kezeginde politsei júrgizýshiniń kúrtesinen ustaǵan. Politseidiń "saýsaqtaryńdy búkpe" degeni estiledi. Sonymen qatar, BMW júrgizýshisi evakýtorǵa da dóreki sóileidi.
"Ruqsat etilmegen jerde kóligin turaqqa qoiǵany úshin azamat F. QR Ákimshilik quqyq buzýshylyq týraly kodeksiniń 601-baby 1-bóligi boiynsha 3 AEK aiyppul tóleidi. Al bilik ókiline baǵynbaǵany úshin QR Ákimshilik quqyq buzýshylyq týraly kodeksiniń 443-baby boiynsha ákimshilik jaýapkershilikke tartylady", - dedi Almaty IID resmi ókili Saltanat Ázirbek.
Oqi otyryńyz
