«Qyzyl» aimaqqa kirgen Almatyda blokpost qoiyla ma? Osy saýalǵa Atameken Business telearnasynyń tikelei efirinde qalalyq Sanitariialyq-epidemiologiialyq baqylaý departamentiniń basshysy, qalanyń bas memlekettik sanitar dárigeri Jandarbek Bekshin jaýap berdi, dep habarlaidy «Ult aqparat».
«Qazir osy máselege bailanysty kriteriiler aiqyndaldy. Qazir Almatydaǵy aýrýshańdyq kólemi blokpost qoiýdy nemese áýe qatynasyn toqtatýdy talap etpeidi. Qazir qabyldanyp otyrǵan shekteý sharalary virýstyń taralýynyń aldyn alýǵa jetkilikti», - dedi Jandarbek Bekshin.
Aita ketý kerek, Almaty qalasy qyzyl aimaqqa enýine bailanysty qalalyq Sanitariialyq-epidemiologiialyq baqylaý departamentiniń basshysy, qalanyń bas memlekettik sanitar dárigeri Jandarbek Bekshin jańa qaýly qabyldaǵan bolatyn.
Qaýlyǵa sáikes saýda, oiyn-saýyq ortalyqtary men bazarlar senbi-jeksenbi kúni jumys istemeidi.
Al kinoteatrlar men teatrlardyń jumysy ýaqytsha toqtatyldy.
Sonymen qatar, jańa qaýlyǵa sáikes endi koronavirýs juqtyrǵan adamdar aýrýhanaǵa jatyp emdeledi.
