Aǵymdaǵy jyldyń mamyr aiynan bastap jumyssyzdardy qysqa merzimdi kýrstarǵa jiberý bastalady. Sondai-aq, az qamtylǵan otbasylarǵa ataýly kómek beriledi. Bul týraly onlain brifing kezinde Almaty qalasy áleýmettik ál-aýqat basqarmasynyń basshysy Nazira Toǵyzbaeva málim etti, dep habarlaidy "Ult aqparat".
Jyl basynan beri azamattar óz biznesin ashý jáne iske asyrý úshin 165 adam 583 myń teńgege deiin óteýsiz granttar aldy. Negizgi qyzmet túrleri — tigin isi, tamaq daiyndaý, manikiýr, shashtaraz óneri jáne basqa da qyzmetter.
«Jumysta az qamtylǵan azamattardy áleýmettik qoldaý máseleleri mańyzdy oryn aldy. Aǵymdaǵy jyldyń birinshi toqsanynda áleýmettik tólemderdiń 17 túri men 28 myńnan astam adam qamtyldy. Eger otbasynyń bir múshesine shaqqandaǵy tabysynyń tómendigi kúnkóris deńgeiiniń 70 paiyzynan aspaityn bolsa, otbasylarǵa ataýly áleýmettik kómek tólenedi», — dedi basqarma basshysy.
Atalǵan ataýly áleýmettik kómekti jumys istese de, jalaqysy tómen azamattar, múgedekter, zeinetkerler jáne t.b. az qamtylǵan toptaǵylar ala alady. Kómek kórsetýdegi basty maqsat - jumysqa ornalastyrý jáne azamattarǵa qiyn jaǵdaidan shyǵýǵa kómektesý.
«Sondyqtan eńbekke qabiletti kómek alýshylar jumyspen qamtý ortalyǵyna jumysqa ornalasý úshin jiberiledi. Bul osy otbasylardyń qarjylyq jaǵdaiyn odan ári jaqsarta alady. Sondai-aq, ataýly kómek alýshylarǵa televiziialyq, abonenttik jalǵamalardy jetkizý jáne ornatý boiynsha qyzmetter tegin kórsetiledi», — dep qorytty Nazira Toǵyzbaeva.
