Almatyda eki aýdandaǵy birneshe úige ystyq sý berý toqtatyldy, dep habarlaidy QazAqparat tilshisi.
«Aqkent», «Jas Qanat», «KECh» jáne «SVK» qazandyqtarynda júrgizilip jatqan jóndeý jumystaryna bailanysty Alataý men Túrksib aýdanynda ornalasqan birqatar ǵimaratqa ystyq sý berý toqtatyldy.
Atap aitqanda, Jas Qanat jáne Juldyz-1 shaǵynaýdandarynda - 10-24 maýsym aralyǵynda, Móńke bi - B. Momyshuly - Raiymbek - F. Ońǵarsynova sharshysynda - 13-27 maýsym aralyǵynda; B.Hmelnitskii - Dónentaev - Súiinbai - Poddýbnyi sharshysynda 13 maýsym-4 shilde aralyǵynda sý bolmaidy.
«Qazandyq jabdyqtary kúzgi-qysqy jylytý maýsymynda jylý joǵaltý kórsetkishi men apattyq kórsetkishti azaitý úshin jóndeletin bolady», - dep málim etti «Almaty jylý jelileri» JShS.
