Almatyda bir táýlikte 1503 koronavirýs infektsiiasy tirkeldi. Onyń 1410-y simptomdy, 93-i simptomsyz, dep habarlaidy "Ult aqparat".
Qalalyq qoǵamdyq densaýlyq basqarmasy baspasóz qyzmetiniń habarlaýynsha ótken táýlikte, 218 naýqas emdelip shyqsa, olardyń ornyna 596 adam túsken. Qazir qaladaǵy infektsiialyq statsionarlarda (7 110 tósek) 5 591 adam (187 bala) em alyp jatyr. Reanimatsiia jáne qarqyndy terapiia bólimshesinde 397 adam em alýda. Ókpeni jasandy jeldetý apparatyna – 63, invazivti emes ókpe apparatyna – 159, High flow apparatyna – 152 adam jalǵanǵan.
Bastapqy meditsinalyq-sanitarlyq kómektiń mobildi brigadalarynyń jáne telemeditsina ortalyǵynyń baqylaýymen 11 624 patsient úide em alyp jatyr. Olardyń 11 097-si jeńil jáne ortasha dárejeli simptommen, 527-si simptomsyz syrqattanǵan.
2021 jyldyń 1 aqpanynan 8 tamyzyna deiingi kezeńde vaktsinanyń birinshi komponentin 771 233 adam alǵan. Ótken bir táýlikte birinshi komponentti – 4 063 adam, ekinshi komponentti – 5 722 adam qabyldady. Ekpe alǵandardyń ishinde jasy 60-tan asqan adamdardyń sany – 104 526. Qalada meditsinalyq uiymdarda, mektepterde, mádeniet, sport obektilerinde, bazarlarda jáne qalanyń saýda-oiyn-saýyq ortalyqtarynda 160 vaktsinatsiia pýnkti jumys isteidi (250-ge deiin ulǵaitý múmkindigi bar). 1 028 adamnan turatyn 237 egý brigadasy jumyldyrylǵan.
