Almaty qalasynda byltyr 997 júrgizýshige múgedekke arnalǵan oryndarǵa kóligin qoiǵany úshin aiyppul salyndy, dep habarlaidy "Ult aqparat".
Patrýldik politsiia polkiniń qyzmetkerleri kólikti turaqqa, atap aitqanda, múmkindigi shekteýli adamdarǵa arnalǵan jerge qoiýdy (erejesin buzý) anyqtaý boiynsha reid ótkizdi.
«Mundai beiqam júrgizýshiler óte kóp bolyp shyqty. Árkimniń ár túrli syltaýy bar, keibireýi bul belgini kórmegen, al basqalary bes minýtqa qoiǵan. Jaýapkershilikten jaltarý úshin adamdar túrli qýlyqqa barýǵa daiyn. Sonymen qatar, kólikte «múgedek» degen belginiń bolýy múmkindigi shekteýli adamnyń kólik júrgizip otyrǵanyna kepildik bola almaitynyn eskerý qajet. Taǵy da eskerte ketetin jait, múmkindigi shekteýli jandar ǵana kóligin arnaiy belgilengen jerlerge qoiýǵa quqyly», – dedi Almaty qalalyq PD Jergilikti politsiia qyzmeti basqarmasynyń bastyǵy Manap Sattarov.
Sonymen qatar, ol kólik quralyn múgedekterge arnalǵan oryndarǵa qoiǵany úshin QR ÁQBtK-niń 597-babynyń 4-bóligi boiynsha 10 AEK kóleminde aiyppul qarastyrylǵanyn, al bir jyl ishinde osy erejeni qaitalap buzǵany úshin 15 AEK kóleminde aiyppul qarastyrylǵanyn eske saldy.
2020 jyly kólik quralyn qoiý erejesin buzǵany úshin 16 321 júrgizýshi ákimshilik jaýapkershilikke tartyldy, onyń 997-si kóligin múgedekterge arnalǵan oryndarǵa qoiǵany aiyppul tóledi. 2021 jyldyń 15 kúninde 581 júrgizýshi kólik qoiý erejesin buzǵany úshin ákimshilik jaýapkershilikke tartyldy, olardyń 30-y múgedekterge arnalǵan oryndarǵa kóligin qoiǵan.
