الماتى قالاسىندا بىلتىر 997 جٷرگٸزۋشٸگە مٷگەدەككە ارنالعان ورىندارعا كٶلٸگٸن قويعانى ٷشٸن ايىپپۇل سالىندى, دەپ حابارلايدى "ۇلت اقپارات".
پاترۋلدٸك پوليتسييا پولكٸنٸڭ قىزمەتكەرلەرٸ كٶلٸكتٸ تۇراققا, اتاپ ايتقاندا, مٷمكٸندٸگٸ شەكتەۋلٸ ادامدارعا ارنالعان جەرگە قويۋدى (ەرەجەسٸن بۇزۋ) انىقتاۋ بويىنشا رەيد ٶتكٸزدٸ.
«مۇنداي بەيقام جٷرگٸزۋشٸلەر ٶتە كٶپ بولىپ شىقتى. ەركٸمنٸڭ ەر تٷرلٸ سىلتاۋى بار, كەيبٸرەۋٸ بۇل بەلگٸنٸ كٶرمەگەن, ال باسقالارى بەس مينۋتقا قويعان. جاۋاپكەرشٸلٸكتەن جالتارۋ ٷشٸن ادامدار تٷرلٸ قۋلىققا بارۋعا دايىن. سونىمەن قاتار, كٶلٸكتە «مٷگەدەك» دەگەن بەلگٸنٸڭ بولۋى مٷمكٸندٸگٸ شەكتەۋلٸ ادامنىڭ كٶلٸك جٷرگٸزٸپ وتىرعانىنا كەپٸلدٸك بولا المايتىنىن ەسكەرۋ قاجەت. تاعى دا ەسكەرتە كەتەتٸن جايت, مٷمكٸندٸگٸ شەكتەۋلٸ جاندار عانا كٶلٸگٸن ارنايى بەلگٸلەنگەن جەرلەرگە قويۋعا قۇقىلى», – دەدٸ الماتى قالالىق پد جەرگٸلٸكتٸ پوليتسييا قىزمەتٸ باسقارماسىنىڭ باستىعى ماناپ ساتتاروۆ.
سونىمەن قاتار, ول كٶلٸك قۇرالىن مٷگەدەكتەرگە ارنالعان ورىندارعا قويعانى ٷشٸن قر ەقبتك-نٸڭ 597-بابىنىڭ 4-بٶلٸگٸ بويىنشا 10 اەك كٶلەمٸندە ايىپپۇل قاراستىرىلعانىن, ال بٸر جىل ٸشٸندە وسى ەرەجەنٸ قايتالاپ بۇزعانى ٷشٸن 15 اەك كٶلەمٸندە ايىپپۇل قاراستىرىلعانىن ەسكە سالدى.
2020 جىلى كٶلٸك قۇرالىن قويۋ ەرەجەسٸن بۇزعانى ٷشٸن 16 321 جٷرگٸزۋشٸ ەكٸمشٸلٸك جاۋاپكەرشٸلٸككە تارتىلدى, ونىڭ 997-سٸ كٶلٸگٸن مٷگەدەكتەرگە ارنالعان ورىندارعا قويعانى ايىپپۇل تٶلەدٸ. 2021 جىلدىڭ 15 كٷنٸندە 581 جٷرگٸزۋشٸ كٶلٸك قويۋ ەرەجەسٸن بۇزعانى ٷشٸن ەكٸمشٸلٸك جاۋاپكەرشٸلٸككە تارتىلدى, ولاردىڭ 30-ى مٷگەدەكتەرگە ارنالعان ورىندارعا كٶلٸگٸن قويعان.
