Almaty qalasynyń Almaly aýdanynda qaiǵyly oqiǵa boldy. Kópqabatty turǵyn úiden qulaǵan 40 jastaǵy áiel oqiǵa ornynda kóz jumdy, dep habarlaidy ult.kz.
Ulysmedia dereginshe, oqiǵa ornyna jedel jetken quqyq qorǵaý organdary marqumnyń páterin tekserý barysynda hat tapqan. Tergeý nusqasy boiynsha, bul hatty áiel qaiǵyly oqiǵaǵa deiin jazyp ketken bolýy múmkin.
Qazirgi ýaqytta politseiler oqiǵanyń barlyq mán-jaiyn anyqtap jatyr. Hattyń mazmuny men onyń naqty qashan jazylǵany saraptama barysynda belgili bolady. Sondai-aq sotqa deiingi tergeý bastalyp, qajetti protsessýaldyq sharalar júrgizilýde.
Quqyq qorǵaý organdary azamattardy resmi aqparatqa ǵana senýge shaqyryp, tergeý aiaqtalǵanǵa deiin túrli boljamdar men rastalmaǵan málimetterdi taratpaýǵa úndedi.
