Almatyda jedel basqarý ortalyǵyndaǵy beinekameralardyń arqasynda 1,5 myń qylmys ashylyp, 800 myń ákimshilik quqyq buzýshylyq anyqtaldy, dep habarlaidy QazAqparat.
Politsiia departamentiniń bastyǵy jańa tehnologiialardy qoldaný - qylmysty azaitýda jaqsy nátije kórsetip jatqanyn aitty.
«Jedel basqarý ortalyǵyna qosylǵan 12 myń kameranyń kómegimen ótken jyly 1,5 myń qylmys ashyldy, 800 myń ákimshilik quqyq buzýshylyq anyqtaldy. Qala ákiminiń qoldaýymen biyl taǵy 3 myń beinebaqylaý kamerasy ornatylady. Olardyń kópshiligi aýlalardy, saiabaqtardy, alańdardy jáne basqa da adamdar jappai shoǵyrlanatyn oryndardy qamtidy», – dedi Qanat Taimerdenov.
Onyń aitýynsha, beinebaqylaý júielerimen jumys isteýdiń oń áseri - urlyq, onyń ishinde qalta urlyǵy azaiǵan.
«Byltyr biz mýnitsipaldy avtoparktermen jumys istedik. Kezdesýler uiymdastyrylyp, sonyń arqasynda qoǵamdyq kólikterdiń barlyǵyna derlik beinebaqylaý kameralary ornatyldy. Bul qalta urlyǵynyń tirkelýin 70-ke deiin qysqartýǵa, olardyń ashylýyn 25%-ǵa arttyrýǵa múmkindik berdi. Alaida, qalaǵa Almaty oblysynan keletin kólikter beinebaqylaý kameralarymen qamtamasyz etilmei qaldy. Biz bul jumysty jalǵastyramyz», – dedi ol.
