Foto: egemen.kz
Almatyda keshe belgisiz bireý qalanyń ortalyǵyndaǵy bir ǵimaratqa bomba qoiylǵanyn aitqan, - dep habarlaidy qalalyq PD baspasóz qyzmeti.
Oqiǵa Nazarbaev kóshesinde ornalasqan burynǵy "Tsezar" kinoteatry ǵimaratynda bolǵan. Politsiia jáne qalanyń ózge jedel qyzmetteri jyldam jetken.
"Alǵashqy áreket etý sharalary aiasynda jedel qyzmetter nysanǵa jarylǵysh zat qoiyldy degen habar túskennen keiin tekserý jumystaryn júrgizdi. Kelýshiler men qyzmetkerlerdiń qaýipsizdigin qamtamasyz etý maqsatynda azamattar evakýatsiialandy. Sonymen qatar, ǵimaratqa komissiialyq tekserý jasaldy", - dep habarlady politsiia.
Tekserý nátijesinde aqparat rastalmady. Saǵat 20:40-ta bul nysan boiynsha "dabyl" toqtatyldy.
"Qazir jedel bólimsheler jalǵan aqparat taratqan adamdy anyqtap, ony ustaýǵa baǵyttalǵan keshendi is-sharalardy júrgizip jatyr", - dep málim etti PD baspasóz qyzmeti.
