Almatyda memleket jáne qoǵam qairatkeri, Memlekettik syilyqtyń laýreaty, jazýshy, teatr synshysy, professor Áshirbek Syǵaidyń qurmetine memorialdy taqta ornatyldy, dep habarlaidy QazAqparat.
Sharaǵa Almaty qalasy ákiminiń orynbasary Arman Qyryqbaev, ziialy qaýym ókilderi men jazýshynyń týǵan-týystary qatysty.
«Bul - tarihi mańyzdy sheshim. Búgin asa kórnekti teatr uiymdastyrýshysyna jáne synshysyna, qazaq óneriniń shynaiy jankúierine eskertkish taqta ornatyldy. Áshirbek aǵanyń shyǵarmashylyq ómiri bizdiń súiikti qalamyzben tyǵyz bailanysty. Onyń esimi, murasy halqymyzdyń jadynda, shákirtteriniń esinde máńgi qalady», – dep atap ótti Almaty ákiminiń orynbasary Arman Qyryqbaev.
Memorialdyq taqta belgili teatr synshysy 1980-1999 jyldar aralyǵynda 20 jylǵa jýyq turǵan Jibek joly kóshesi, 12A (S. Máýlenov kóshesiniń qiylysy) mekenjaiyndaǵy úidiń qabyrǵasyna ornatyldy.
Áshirbek Syǵai - Qazaqstannyń sahna óneriniń damýyna eleýli úles qosty, qazaq teatrtaný ǵylymynyń negizin salýshylardyń biri.
«Ińkár shaq» (1978), «Syr sandyq», «Sahnaǵa sapar», «Jarnama aldyndaǵy oi», «Sahna sańlaqtary» (1998), «Teatr taǵylymy» (2003), «Án - taǵdyr», «Tańǵajaiyp teatr» jáne basqa shyǵarmalardyń avtory.
Onyń eńbekteri óner jáne teatr teoriiasy salasyndaǵy oqýlyqqa ainaldy.
