Densaýlyq saqtaý ministrligi 19 sáýirde Almatyda taǵy 8 adamnan koronavirýs tabylǵanyn habarlaǵan bolatyn. Olardyń altaýy - balalar qalalyq infektsiialyq aýrýhanasynyń qyzmetkeri, bireýi ortalyq qalalyq klinikalyq aýrýhanasynda isteidi. Koronavirýs juqqan naýqastarmen aralasyp, provizorlyq statsionarǵa jatqyzylǵan taǵy bir adam COVID-19 aýrýyna shaldyqqan.
Almaty - koronavirýs juqtyrǵandar men virýs juqqan dárigerler sany jaǵynan respýblikada alda tur. Qalada jalpy 513 adamnan koronavirýs tabylǵan. Olardyń keminde 234-i - dáriger. 200-den astam qyzmetkerinen koronavirýs tabylǵan ortalyq qalalyq klinikalyq aýrýhanasy (halyq arasynda N12 aýrýhana degen atpen belgili) karantinge jabylǵan, basshysy aýysqan. 18 sáýirde qalanyń bas sanitar dárigeri aýysty.
Densaýlyq saqtaý basqarmasynyń habarlaýynsha, infektsiialyq statsionarda 427 adam emdelip jatyr (arasynda Almaty oblysynan kelgen bir naýqas bar). Úsh adamnyń jaǵdaiy - óte aýyr, altaýynyń jaǵdaiy - aýyr, 121 naýqastyń jaǵdaiy - ortasha aýyr, qalǵandarynyky - birqalypty.
Buǵan deiin qalada 84 adam jazylǵan. Úsh adam qaitys bolǵan. 19 naýryzdan beri qalada karantin jariialanǵan, kóshede qozǵalys shektelgen. Buǵan deiin tótenshe jaǵdai jónindegi komissiia ókilderi 20 sáýirden bastap qalada iri kásiporyndardyń jumys istei bastaitynyn aitqan.
