دەنساۋلىق ساقتاۋ مينيسترلٸگٸ 19 سەۋٸردە الماتىدا تاعى 8 ادامنان كوروناۆيرۋس تابىلعانىن حابارلاعان بولاتىن. ولاردىڭ التاۋى - بالالار قالالىق ينفەكتسييالىق اۋرۋحاناسىنىڭ قىزمەتكەرٸ, بٸرەۋٸ ورتالىق قالالىق كلينيكالىق اۋرۋحاناسىندا ٸستەيدٸ. كوروناۆيرۋس جۇققان ناۋقاستارمەن ارالاسىپ, پروۆيزورلىق ستاتسيونارعا جاتقىزىلعان تاعى بٸر ادام COVID-19 اۋرۋىنا شالدىققان.
الماتى - كوروناۆيرۋس جۇقتىرعاندار مەن ۆيرۋس جۇققان دەرٸگەرلەر سانى جاعىنان رەسپۋبليكادا الدا تۇر. قالادا جالپى 513 ادامنان كوروناۆيرۋس تابىلعان. ولاردىڭ كەمٸندە 234-ٸ - دەرٸگەر. 200-دەن استام قىزمەتكەرٸنەن كوروناۆيرۋس تابىلعان ورتالىق قالالىق كلينيكالىق اۋرۋحاناسى (حالىق اراسىندا N12 اۋرۋحانا دەگەن اتپەن بەلگٸلٸ) كارانتينگە جابىلعان, باسشىسى اۋىسقان. 18 سەۋٸردە قالانىڭ باس سانيتار دەرٸگەرٸ اۋىستى.
دەنساۋلىق ساقتاۋ باسقارماسىنىڭ حابارلاۋىنشا, ينفەكتسييالىق ستاتسيوناردا 427 ادام ەمدەلٸپ جاتىر (اراسىندا الماتى وبلىسىنان كەلگەن بٸر ناۋقاس بار). ٷش ادامنىڭ جاعدايى - ٶتە اۋىر, التاۋىنىڭ جاعدايى - اۋىر, 121 ناۋقاستىڭ جاعدايى - ورتاشا اۋىر, قالعاندارىنىكى - بٸرقالىپتى.
بۇعان دەيٸن قالادا 84 ادام جازىلعان. ٷش ادام قايتىس بولعان. 19 ناۋرىزدان بەرٸ قالادا كارانتين جارييالانعان, كٶشەدە قوزعالىس شەكتەلگەن. بۇعان دەيٸن تٶتەنشە جاعداي جٶنٸندەگٸ كوميسسييا ٶكٸلدەرٸ 20 سەۋٸردەن باستاپ قالادا ٸرٸ كەسٸپورىنداردىڭ جۇمىس ٸستەي باستايتىنىن ايتقان.
