Almatyda turǵyn úi kesheniniń aýlasynda oinap júrgen balaǵa kúsh kórsetken er adam ustalyp, qamaýǵa alyndy. Oqiǵaǵa qatysty qylmystyq is qozǵalyp, tergeý amaldary bastaldy, dep habarlaidy ult.kz.
Oqiǵa beinebaqylaý kamerasyna túsip qalǵan. Kadrlardan er adamnyń balalarǵa jaqyndap kelip, olardyń birin itergeni baiqalady. Saldarynan bala dene jaraqatyn alǵan.
Politsiianyń málimetinshe, kúdikti – osy turǵyn úi kesheniniń turǵyny. Aldyn ala málimet boiynsha, oqiǵaǵa balalar arasyndaǵy oiyn kezinde týyndaǵan janjal sebep bolǵan. Osydan keiin er adam jaǵdaidy óz betinshe sheshýge árekettengen.
Atalǵan fakti boiynsha balaǵa dene jaraqatyn keltirý deregimen qylmystyq is qozǵaldy. Kúdikti qamaýǵa alyndy. Qazirgi ýaqytta barlyq mán-jaidy anyqtaýǵa baǵyttalǵan qajetti tergeý áreketteri júrgizilip jatyr.
