الماتىدا تۇرعىن ٷي كەشەنٸنٸڭ اۋلاسىندا ويناپ جٷرگەن بالاعا كٷش كٶرسەتكەن ەر ادام ۇستالىپ, قاماۋعا الىندى. وقيعاعا قاتىستى قىلمىستىق ٸس قوزعالىپ, تەرگەۋ امالدارى باستالدى, دەپ حابارلايدى ult.kz.
وقيعا بەينەباقىلاۋ كامەراسىنا تٷسٸپ قالعان. كادرلاردان ەر ادامنىڭ بالالارعا جاقىنداپ كەلٸپ, ولاردىڭ بٸرٸن يتەرگەنٸ بايقالادى. سالدارىنان بالا دەنە جاراقاتىن العان.
پوليتسييانىڭ مەلٸمەتٸنشە, كٷدٸكتٸ – وسى تۇرعىن ٷي كەشەنٸنٸڭ تۇرعىنى. الدىن الا مەلٸمەت بويىنشا, وقيعاعا بالالار اراسىنداعى ويىن كەزٸندە تۋىنداعان جانجال سەبەپ بولعان. وسىدان كەيٸن ەر ادام جاعدايدى ٶز بەتٸنشە شەشۋگە ەرەكەتتەنگەن.
اتالعان فاكتٸ بويىنشا بالاعا دەنە جاراقاتىن كەلتٸرۋ دەرەگٸمەن قىلمىستىق ٸس قوزعالدى. كٷدٸكتٸ قاماۋعا الىندى. قازٸرگٸ ۋاقىتتا بارلىق مەن-جايدى انىقتاۋعا باعىتتالعان قاجەتتٸ تەرگەۋ ەرەكەتتەرٸ جٷرگٸزٸلٸپ جاتىر.
