Almatyda aiyppuldaryn tólemegen azamattardy anyqtaýǵa arnalǵan «Boryshker» sharasy ótip jatyr, dep habarlaidy "Ult aqparat".
Is-shara aiasynda megapolis aýmaǵynda ákimshilik aiyppuldar boiynsha boryshkerler, kólik quralyn basqarýǵa quqyǵy joq tulǵalar, sondai-aq jalǵan nómir taqqan kólik júrgizýshiler anyqtaldy.
«Ákimshilik quqyq normalaryna sáikes, azamattar ákimshilik aiyppuldy 7 kún ishinde 50% jeńildikpen tóleýge quqyly. Quqyq buzýshylarǵa hattamamen birge aiyppul somasynyń 50%-y kórsetilgen túbirtek usynylyp ony tóleýdiń tártibi túsindiriledi», - dedi Almaty qalalyq PD ákimshilik politsiia basqarmasynyń bastyǵy Jandos Murataliev.
Qazirgi ýaqytta politsiia qyzmetkerleri elektrondy planshettiń kómegimen boryshkerlerge aiyppuldy ýaqtyly tóleý qajettiligi týraly habarlama taratýda.
