Foto: t.me/POLICE_of_KZ
Politsiia qyzmetkerleri anasyn jáne onyń kámeletke tolmaǵan balalaryn óltirgen kúdiktini ustady, dep habarlaidy "Ult aqparat" IIM baspasóz qyzmetine silteme jasap.
"Jedel-izdestirý is-sharasy barysynda 1982 jylǵy Almaty qalasynyń turǵyny anyqtalyp, ustaldy.
Atalǵan derek aýdandyq politsiiada QR QK 99-baby 2-bóliginiń 1-tarmaǵy (eki nemese odan da kóp adamdy óltirý) jáne 99-baby 3-bóligi (jas balany óltirý) boiynsha tirkeldi. Qazirgi ýaqytta túpkilikti is júrgizý sheshimin qabyldaý úshin barlyq qajetti saraptama taǵaiyndalyp, tergeý is-sharalary júrgizilip jatyr.
Ustalǵan adam aýdandyq politsiia ÝUI-ǵa qamaqqa alyndy" - delingen habarlamada.
Esterińizge sala keteiik, 14 qyrkúiekte saǵat 23:24 shamasynda Almaty oblysy Ile aýdanynyń politsiia bólimine Ashybulaq aýylyndaǵy úilerdiń birinen K. esimdi áiel men onyń eki kámeletke tolmaǵan balasynyń deneleri tabylǵandyǵy týraly aqparat kelip túsken. Kúdikti qylmys izderin jasyrý maqsatynda úidi órtep jibergen.
