Almatyda avtobýs pen jeńil avtokólik soqtyǵysty. Oqiǵa saldarynan jeńil avtokólik júrgizýshisi aýrýhanaǵa tústi, dep habarlaidy QazAqparat.
Qalalyq politsiia departamentinen málim etkendei, búgin tańǵy saǵat 06.20-da Jumabaev pen Jansúgirov kósheleriniń qiylysynda jol kólik oqiǵasy boldy.
«Jumabaev kóshesimen batys baǵytta kele jatqan «YUTONG» markaly avtobýs Jansúgirov kóshesi boiymen soltústik baǵytta kele jatqan «Nissan» markaly avtokóligimen soqtyǵysty. Nátijesinde jeńil avtokóliktiń júrgizýshisi №7 qalalyq klinikalyq aýrýhanaǵa jetkizildi. Material Túrksib aýdandyq politsiia basqarmasynyń qyzmetkerlerimen óndiriske qabyldady», - dedi Almaty qalalyq PD Anyqtaý basqarmasynyń bastyǵy politsiia podpolkovnigi Oljas Sháripov.
