Foto: Pexels.com
Almatyda 12 jastaǵy aýtist ulyn kúieýiniń zorlyǵynan qorǵaǵan áielge 8 jylǵa bas bostandyǵynan aiyrý jazasy taǵaiyndaldy, dep habarlaidy Orda.kz.
Oqiǵa bolǵan kúni ishimdikke mas kúieýi aldymen áieldi uryp, keiin ulyna qol kótergen. Advokat Aigerim Tohmýldinovanyń sózinshe, áiel qorǵaný maqsatynda pyshaq alyp, kúieýin qorqytýǵa tyrysqan. Alaida kúieýi oǵan oryndyqpen umtylǵanda, ol eriksiz ózine shabýyl jasaýshyny iterip jibergen. Nátijesinde, kútpegen soqqy kúieýiniń ólimine ákelgen.
Marqum er adam buǵan deiin de otbasyndaǵy zorlyq-zombylyq úshin ákimshilik jaýapkershilikke tartylyp, qorǵaý nusqamasyn alǵan, biraq buiryqty buzǵan. Is materialdaryna sáikes, áiel men onyń balasynda zorlyq-zombylyqtyń fizikalyq izderi anyqtalǵan.
Soǵan qaramastan, Jetisý aýdandyq soty áieldi 8 jylǵa bas bostandyǵynan aiyrý jazasyn kesip otyr. Aiyptalýshynyń eki balasy bar, al marqum kúieýi olardyń ógei ákesi bolǵan. Qazirgi tańda balalardyń qamqorshysy retinde ájeleri taǵaiyndalǵan. Advokattyń aitýynsha, aýtist uly anasymen erekshe emotsionaldy bailanysta, onyń qajettilikterin tek anasy túsinedi.
Qorǵanys tarapynyń apelliatsiialyq shaǵym túsirýge 15 kún ýaqyty bar.
