فوتو: Pexels.com
الماتىدا 12 جاستاعى اۋتيست ۇلىن كٷيەۋٸنٸڭ زورلىعىنان قورعاعان ەيەلگە 8 جىلعا باس بوستاندىعىنان ايىرۋ جازاسى تاعايىندالدى, دەپ حابارلايدى Orda.kz.
وقيعا بولعان كٷنٸ ٸشٸمدٸككە ماس كٷيەۋٸ الدىمەن ەيەلدٸ ۇرىپ, كەيٸن ۇلىنا قول كٶتەرگەن. ادۆوكات ايگەرٸم توحمۋلدينوۆانىڭ سٶزٸنشە, ەيەل قورعانۋ ماقساتىندا پىشاق الىپ, كٷيەۋٸن قورقىتۋعا تىرىسقان. الايدا كٷيەۋٸ وعان ورىندىقپەن ۇمتىلعاندا, ول ەرٸكسٸز ٶزٸنە شابۋىل جاساۋشىنى يتەرٸپ جٸبەرگەن. نەتيجەسٸندە, كٷتپەگەن سوققى كٷيەۋٸنٸڭ ٶلٸمٸنە ەكەلگەن.
مارقۇم ەر ادام بۇعان دەيٸن دە وتباسىنداعى زورلىق-زومبىلىق ٷشٸن ەكٸمشٸلٸك جاۋاپكەرشٸلٸككە تارتىلىپ, قورعاۋ نۇسقاماسىن العان, بٸراق بۇيرىقتى بۇزعان. ٸس ماتەريالدارىنا سەيكەس, ەيەل مەن ونىڭ بالاسىندا زورلىق-زومبىلىقتىڭ فيزيكالىق ٸزدەرٸ انىقتالعان.
سوعان قاراماستان, جەتٸسۋ اۋداندىق سوتى ەيەلدٸ 8 جىلعا باس بوستاندىعىنان ايىرۋ جازاسىن كەسٸپ وتىر. ايىپتالۋشىنىڭ ەكٸ بالاسى بار, ال مارقۇم كٷيەۋٸ ولاردىڭ ٶگەي ەكەسٸ بولعان. قازٸرگٸ تاڭدا بالالاردىڭ قامقورشىسى رەتٸندە ەجەلەرٸ تاعايىندالعان. ادۆوكاتتىڭ ايتۋىنشا, اۋتيست ۇلى اناسىمەن ەرەكشە ەموتسيونالدى بايلانىستا, ونىڭ قاجەتتٸلٸكتەرٸن تەك اناسى تٷسٸنەدٸ.
قورعانىس تاراپىنىڭ اپەللياتسييالىق شاعىم تٷسٸرۋگە 15 كٷن ۋاقىتى بار.
