Foto: UQK
Almaty qalasynda arnaiy qyzmet ókilderi «Kropal» atty qylmystyq toptyń boljamdy jetekshisi Asylbek Tóletpekovti ustady, dep habarlaidy Ult.kz.
UQK nusqasyna sáikes, ol asa iri kólemde bopsalaý deregine qatysy bar dep kúdikke ilingen.
Qazirgi ýaqytta Asylbek Tóletpekov ýaqytsha ustaý izoliatoryna qamaldy. Tergeý organdary onyń qylmystyq áreketterine qatysty sotqa deiingi tergep-tekserý jumystaryn júrgizip jatyr.
Aita keteiik, osy jyldyń qańtar aiynda atalǵan is aiasynda Shymkent qalasynda Tóletpekovtiń boljamdy eki sybailasy ustalǵan bolatyn. Alaida tergeý múddesine bailanysty istiń ózge mán-jailary ázirge jariia etilmei otyr.
«Kropal» qylmystyq toby 1990-jyldary Qazaqstanda atyshýly uiymdasqan qylmystyq top retinde tanylǵan. Atalǵan topty Aleksandr Kropachiov «Kropal» laqap atymen qurǵany belgili.
Tergeý amaldary jalǵasyp jatyr.
