Foto: videodan salynǵan skrin
Almaty qalasynyń Túrksib aýdanynda zańsyz alkogol óndirisimen ainalysqan jasyryn tseh áshkerelendi. Quqyq qorǵaý organdarynyń málimetinshe, syra óndirý isi turǵyn úidiń jertólesinde uiymdastyrylǵan, dep habarlaidy Ult.kz.
Tekserý barysynda politsiia qyzmetkerleri arnaiy óndiristik jabdyqtardy, kóp mólsherdegi daiyn ónimdi, sondai-aq óndiris protsesinde qoldanylǵan ydystar men shikizatty anyqtaǵan. Zańsyz ainalymnan jalpy kólemi shamamen 7 myń litr syra, shyny ydystar jáne alkogol daiyndaýǵa qajetti túrli komponentter tárkilendi.
Atalǵan derek boiynsha jan-jaqty tekserý amaldary bastalyp, barlyq mán-jailar anyqtalýda. Quqyq qorǵaý organdary mundai zańbuzýshylyqtardyń erekshe baqylaýda ekenin atap ótti.
Túrksib aýdandyq politsiia basqarmasynyń bastyǵy Dýman Aýhadiev azamattarǵa zańsyz alkogol óndirý men satýdyń aýyr quqyqtyq saldary bar ekenin eskertip, mundai áreketter úshin qatań jaýapkershilik qarastyrylǵanyn jetkizdi.
