Almatyda Ashyq jobasyna qosylǵan qoǵamdyq tamaqtaný oryndarynyń jumys ýaqyty ózgerdi. Bul týraly onlain brifing barysynda qalalyq kásipkerler palatasynyń direktory Aitýar Qoshmambetov málim etti, dep habarlaidy "Ult aqparat".
Onyń aitýynsha, búgingi kúni qalada 665 shaǵyn orta biznes nysany Ashyq pilottyq jobasyna qosylǵan.
«6 mamyrdaǵy jaǵdai boiynsha Almaty qalasynda 655 qatysýshy bar. Fitnes-klýbtar jáne sporttyq-saýyqtyrý keshenderi – 125, spa-ortalyqtary – 40, basseinder – 23, boýling ortalyqtary – 5, biliard klýbtary – 11, kompiýterlik klýbtar – 50, saýnalar men monshalar – 106, qoǵamdyq tamaqtaný nysandary – 266, kinoteatrlar, teatrlar, kontsert zaldary – 266», - dedi Aitýar Qoshmambetov.
Ashyq jobasynyń arqasynda jumys kúnderi 200, al demalys kúnderi KVI juqtyrǵan 900-ge jýyq adam anyqtaldy.
«Jumys ýaqytyndaǵy adam sanynyń az-kóptigine bailanysty algoritm qaita qaraldy. Birqatar jeńildik bar. Sport keshenderi, ioga ortalyqtary úshin ýaqyt shekteýsiz. Kontsert zaldarynyń syiymdylyǵy 50 paiyzǵa deiin artty.Tańerteńgi 07.00-den túngi 02.00-ge deiin kafe men karaoke jumysyna ruqsat etiledi. Zalda 30 adamǵa deiin jáne banket zaldarynda 50 adamǵa deiin ruqsat etildi», - dedi spiker.
Sonymen qatar, ol 5 mamyrdan bastap banket zaldary men karaoke-klýbtar «Ashyq» jobasy arqyly jumys bastaǵanyn tilge tiek etti.
Eske sala keteiik, Ashyq - kelýshilerdi qoǵamdyq orynda tirkeýge arnalǵan qosymsha.
Memlekettik jáne qoǵamdyq oryndarǵa kirer aldynda qoldanýshy arnaiy QR kodyn skanerlep, kireberiste ákimshige usynady. Kod kelýshiniń mártebesin anyqtaidy.
