Almatyda 1931-1933 jyldardaǵy Asharshylyq qurbandaryna arnalǵan eskertkish ashylady. Aita keteiik, Elbasy Nursultan Nazarbaev 1931-1933 jyldardaǵy Asharshylyq qurbandaryn máńgi este saqtaý maqsatynda Almaty ákimine arnaiy eskertkish ashýdy tapsyrǵan bolatyn, dep habarlaidy QazAqparat.
Búgin Almaty qalasynyń əkimi Baýyrjan Baibek bir top ziialy qaýym ókilderin atalǵan eskertkishtiń jobasymen tanystyrdy.
Eskertkishtiń avtorlary: Dýlat Úsenbaev, Aidos Búrkitbaev jáne Qanat Begýliev.
QR Úkimeti janynan qurylǵan arnaiy komissiia músheleri eskertkish avtorlarynyń jobalaryn anyqtaǵan bolatyn. Eskertkish Almatydaǵy Qabanbai batyr men Naýryzbai batyr kósheleriniń qiylysyndaǵy skverde ornalasady. Toqtala ketetin jait, 1992 jyly osy orynǵa eskertkish ornatylatyny týraly belgitas qoiylǵan.
Eskertkishtiń ashylýy 31 mamyr - Saiasi qýǵyn-súrgin qurbandaryn eske alý kúnine josparlanǵan.
1931-1933 jyldardaǵy jappai Asharshylyq bai-manaptardy joiý men ujymdastyrý jáne ortalyq bilik organdary tarapynan qazaqtardyń mal-múlkin tárkilep, sol arqyly azyq-túlik jinaý maqsatynda uiymdastyrylǵan. Tartyp alǵan múlik militsiia kómegimen qajetti jerge jetkizilip otyrǵan. Osyndai áreketterdiń saldarynan týyndaǵan asharshylyq jappai Qazaqstandy jailady.
Túrli derekter boiynsha, osy náýbettiń saldarynan qazaq jerinde 2-3 millionǵa jýyq adam qurban bolyp, 1,5 million adam shetelge bosty. Jalpy alǵanda asharshylyqtyń qurbanyna ainalǵandar qazaq halqynyń 60-65 paiyzyn qamtydy. Halyqtyń kópshiligi Qytai, Mońǵoliia, Iran men Aýǵanstanǵa kóshýge májbúr boldy.
