Foto: Almaty ákimdigi
Almatyda 2040 jylǵa deiingi qalanyń Bas josparyna túzetýler engizý boiynsha ótip jatqan qoǵamdyq tyńdaýlar barysynda «Almaty-3» jańa temirjol vokzalyn salý josparlanyp otyrǵany belgili boldy, dep habarlaidy Ult.kz.
Qoǵamdyq talqylaýdyń úshinshi kúni «Almatybasjospar» ǵylymi-zertteý institýtynyń direktory Ashat Sádýov «Batys» poliortalyǵyn damytý tujyrymdamasyn tanystyrdy. Onyń aitýynsha, jańa «Almaty-3» temirjol vokzaly ornalasatyn aýmaq pen Boraldai kentindegi kólik-logistika toraby zamanaýi qala klasterine ainalady.
Josparǵa sáikes, bul aimaqta ekologiialyq taza óndirister, jańa jumys oryndary, jasyl aimaqtar men damyǵan áleýmettik infraqurylym qalyptastyrylady. «Batys» poliortalyǵy Almaty qalasynyń ósýindegi negizgi núktelerdiń birine ainalyp, óndiris, logistika jáne qoǵamdyq keńistikterdi damytýǵa baǵyttalmaq.
Sondai-aq munda 1-Almaty indýstriialyq aimaǵyn damytý, farmatsevtikalyq óndiristerdi ornalastyrý jáne «Saq qorǵandary» mańynda rekreatsiialyq park salý kózdelgen. Poliortalyq qalanyń ózge bólikterimen jyldam relsti kólik arqyly bailanysady.
Jobanyń basty maqsattarynyń biri – ekologiialyq óndiristi damytý jáne ziiandy kásiporyndardy kezeń-kezeńimen turǵyn aimaqtardan tys jerge kóshirý. Sonymen qatar bul aýmaqta LRT deposy, syzyqty rekreatsiialyq saiabaq pen kópsalaly aýrýhana kesheni salý josparlanyp otyr.
Ashat Sádýovtyń aitýynsha, joba aiasynda qaýipsiz, jaryqtandyrylǵan ári áleýmettik belsendi qoǵamdyq keńistikter qalyptastyrýǵa, sondai-aq qalanyń kórneki nysandaryna baǵyttalǵan kórinis dálizderin saqtaýǵa basymdyq beriledi. «Batys» poliortalyǵynyń júregine ainalatyn saiabaq qorshaýsyz, táýlik boiy qoljetimdi ashyq keńistik bolmaq.
Qazirgi ýaqytta Almatynyń 2040 jylǵa deiingi Bas josparyna túzetýler engizý boiynsha qoǵamdyq tyńdaýlar jalǵasýda. Qala turǵyndarynyń usynystary qujatty odan ári jetildirý kezinde eskerilmek.
