Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Dáriger uzaq ómir súrýdiń el bilmeitin taǵy bir qupiiasyn ashty Dáriger uzaq ómir súrýdiń el bilmeitin taǵy bir qupiiasyn ashty
Qoǵam

Almatyda aldaǵy merekelerge orai qandai qarjylai kómek beriledi?

Ult portaly
Almatyda aldaǵy merekelerge orai qandai qarjylai kómek beriledi?


Almatylyqtarǵa qandai merekede qarjylai kómek beriletini belgili boldy, - dep habarlaidy Tengrinews.kz tilshisi Almaty.tv arnasyna silteme jasap.

Arna málimetinshe, qalanyń kei turǵynyna Jeńis kúni men Táýelsizdik kúninde qarjylai kómek beriledi. Sonyń ishinde 9 mamyr - Jeńis kúnine orai kómek kórsetiletin turǵyndar:

  • Uly Otan soǵysy ardagerlerine (olardyń mártebesi "Ardagerler týraly" zańda belgilenedi) - 500 myń teńge;
  • UOS ardagerlerine teńestirilgen ardagerlerge, sondai-aq, basqa memleketter aýmaǵyndaǵy urys qimyldaryna qatysqan ardagerlerge - 100 myń teńge;
  • Uly Otan soǵysy jaýyngerleriniń jesirlerine beriledi. Bul jaǵdaida qaitadan otbasy qurmaǵan áielder jesir dep sanalady. Olarǵa 100 myń teńge kóleminde kómek kórsetildi;
  • Aýǵanstanda nemese basqa memleketterde soǵysqa qatysqan áskeri qyzmetshilerdiń ata-analary men jesirlerine 100 myń teńge.

16 jeltoqsan - Táýelsizdik kúnine orai Almatyda 1986 jylǵy Jeltoqsan oqiǵacyna qatysyp, keiin aqtalǵandarǵa tólem jasalady. Olarǵa 150 myń teńge kóleminde kómek beriledi.

Sondai-aq, mynadai merekeler qarsańynda 1 million teńge kóleminde áleýmettik kómek qarastyrylǵan:

  • Jańa jyl - 1-2 qańtar;
  • 8 naýryz - Halyqaralyq áielder kúni;
  • Naýryz meiramy - 21-23 naýryz;
  • 1 mamyr - Qazaqstan halqynyń birligi merekesi;
  • Astana kúni - 6 shilde;
  • Konstitýtsiia kúni - 30 tamyz;
  • Qazaqstannyń Tuńǵysh prezidenti kúni - 1 jeltoqsan.

Bul kómek turǵyn úige muqtaj kópbalaly otbasylarǵa ǵana kórsetiletini aityldy. Bólinetin soma turǵyn úi satyp alýǵa arnalǵan. Sondyqtan "Otbasy bankiniń" shotyna aýdarady.

Oqi otyryńyz