الماتىدا الداعى مەرەكەلەرگە وراي قانداي قارجىلاي كٶمەك بەرٸلەدٸ?

الماتىدا الداعى مەرەكەلەرگە وراي قانداي قارجىلاي كٶمەك بەرٸلەدٸ?


الماتىلىقتارعا قانداي مەرەكەدە قارجىلاي كٶمەك بەرٸلەتٸنٸ بەلگٸلٸ بولدى, - دەپ حابارلايدى Tengrinews.kz تٸلشٸسٸ Almaty.tv ارناسىنا سٸلتەمە جاساپ.

ارنا مەلٸمەتٸنشە, قالانىڭ كەي تۇرعىنىنا جەڭٸس كٷنٸ مەن تەۋەلسٸزدٸك كٷنٸندە قارجىلاي كٶمەك بەرٸلەدٸ. سونىڭ ٸشٸندە 9 مامىر - جەڭٸس كٷنٸنە وراي كٶمەك كٶرسەتٸلەتٸن تۇرعىندار:

  • ۇلى وتان سوعىسى ارداگەرلەرٸنە (ولاردىڭ مەرتەبەسٸ "ارداگەرلەر تۋرالى" زاڭدا بەلگٸلەنەدٸ) - 500 مىڭ تەڭگە;
  • ۇوس ارداگەرلەرٸنە تەڭەستٸرٸلگەن ارداگەرلەرگە, سونداي-اق, باسقا مەملەكەتتەر اۋماعىنداعى ۇرىس قيمىلدارىنا قاتىسقان ارداگەرلەرگە - 100 مىڭ تەڭگە;
  • ۇلى وتان سوعىسى جاۋىنگەرلەرٸنٸڭ جەسٸرلەرٸنە بەرٸلەدٸ. بۇل جاعدايدا قايتادان وتباسى قۇرماعان ەيەلدەر جەسٸر دەپ سانالادى. ولارعا 100 مىڭ تەڭگە كٶلەمٸندە كٶمەك كٶرسەتٸلدٸ;
  • اۋعانستاندا نەمەسە باسقا مەملەكەتتەردە سوعىسقا قاتىسقان ەسكەري قىزمەتشٸلەردٸڭ اتا-انالارى مەن جەسٸرلەرٸنە 100 مىڭ تەڭگە.

16 جەلتوقسان - تەۋەلسٸزدٸك كٷنٸنە وراي الماتىدا 1986 جىلعى جەلتوقسان وقيعاcىنا قاتىسىپ, كەيٸن اقتالعاندارعا تٶلەم جاسالادى. ولارعا 150 مىڭ تەڭگە كٶلەمٸندە كٶمەك بەرٸلەدٸ.

سونداي-اق, مىناداي مەرەكەلەر قارساڭىندا 1 ميلليون تەڭگە كٶلەمٸندە ەلەۋمەتتٸك كٶمەك قاراستىرىلعان:

  • جاڭا جىل - 1-2 قاڭتار;
  • 8 ناۋرىز - حالىقارالىق ەيەلدەر كٷنٸ;
  • ناۋرىز مەيرامى - 21-23 ناۋرىز;
  • 1 مامىر - قازاقستان حالقىنىڭ بٸرلٸگٸ مەرەكەسٸ;
  • استانا كٷنٸ - 6 شٸلدە;
  • كونستيتۋتسييا كٷنٸ - 30 تامىز;
  • قازاقستاننىڭ تۇڭعىش پرەزيدەنتٸ كٷنٸ - 1 جەلتوقسان.

بۇل كٶمەك تۇرعىن ٷيگە مۇقتاج كٶپبالالى وتباسىلارعا عانا كٶرسەتٸلەتٸنٸ ايتىلدى. بٶلٸنەتٸن سوما تۇرعىن ٷي ساتىپ الۋعا ارنالعان. سوندىقتان "وتباسى بانكٸنٸڭ" شوتىنا اۋدارادى.