Almaty qalasynyń mańynda ekskavator júrgizýshisi kólik mańynda oinap júrgen 2 jasar qyzyn kórmei, ony basyp ketti, dep habarlaidy "Ult aqparat".
Qaiǵyly oqiǵa Almaty qalasynyń mańyndaǵy Kólsai shaǵyn aýdanyndaǵy jekemenshik sektorda boldy.
Er adam úiine kelip, ekskavatoryn qaqpanyń janyna qoiady. Araǵa biraz ýaqyt salyp kólikke otyryp, jumysqa oralady. Osy sátte ol kólik mańynda oinap júrgen jasy ekige de jetpegen qyzyn kórmei qalady.
2 jasar bópe sol jerde aýyr jaraqat alyp, jedel járdem kelgenshe óldi. Qazirgi sátte oqiǵa bolǵan jerde jedel tergeý tobynyń qyzmetkerleri jumys istep jatyr. Bala ólimine ata-anasynyń qanshalyqty qatysy bar ekeni tergeý jáne sot kezinde anyqtalatyn bolady.
