Almaty politsiiasy adam urlyǵynyń betin ashty, - dep habarlaidy "Ult aqparat" Polisia.kz-ke silteme jasap.
Portal málimetinshe, 40 jastaǵy almatylyq qylmyskerlerdiń qurbany bolǵan. Ony Almaty qalasy Almaly aýdanynda ornalasqan turǵyn úi aýmaǵynan urlap ketken.
"Urlanǵan azamattyń áieli politsiiaǵa aryzben júgingen. Dereý arnaiy jedel-tergeý toby qurylyp, alǵashqy is-sharalar kesheni júrgizildi, bul urlaýshylardyń jeke basyn jáne olardyń jábirlenýshini qai jerde ustap otyrǵanyn jyldam anyqtaýǵa múmkindik berdi. Er adamdy bosatý boiynsha arnaiy is-shara qalanyń Túrksib aýdanyndaǵy qoimalar aýmaǵynda júrgizildi. Tórt adam ustaldy. Olar buryn bopsalaý jáne buzaqylyq úshin sottalǵan. Urlanǵan azamat aman-esen bosatyldy. Ony qatty soqqyǵa jyqqan jáne oǵan meditsinalyq kómek qajet boldy. Jábirlenýshiniń aitýynsha, beitanys adamdar ony bosatý úshin 200 myń dollar talap etken, áitpese geroiny bar inektsiia engizemiz dep qorqytqan", - deidi Almaty qalalyq Politsiia departamenti bastyǵynyń orynbasary Didar Ahanov.
Qylmystyń naqty sebebi QR QK-niń 125-baby 2-bóligimen tirkeldi.
Sotaldy tergeý barysynda istiń mán-jaiy belgili bolady. Kúdiktiler qamaýǵa alyndy.
