الماتى پوليتسيياسى ادام ۇرلىعىنىڭ بەتٸن اشتى, - دەپ حابارلايدى "ۇلت اقپارات" Polisia.kz-كە سٸلتەمە جاساپ.
پورتال مەلٸمەتٸنشە, 40 جاستاعى الماتىلىق قىلمىسكەرلەردٸڭ قۇربانى بولعان. ونى الماتى قالاسى المالى اۋدانىندا ورنالاسقان تۇرعىن ٷي اۋماعىنان ۇرلاپ كەتكەن.
"ۇرلانعان ازاماتتىڭ ەيەلٸ پوليتسيياعا ارىزبەن جٷگٸنگەن. دەرەۋ ارنايى جەدەل-تەرگەۋ توبى قۇرىلىپ, العاشقى ٸس-شارالار كەشەنٸ جٷرگٸزٸلدٸ, بۇل ۇرلاۋشىلاردىڭ جەكە باسىن جەنە ولاردىڭ جەبٸرلەنۋشٸنٸ قاي جەردە ۇستاپ وتىرعانىن جىلدام انىقتاۋعا مٷمكٸندٸك بەردٸ. ەر ادامدى بوساتۋ بويىنشا ارنايى ٸس-شارا قالانىڭ تٷركسٸب اۋدانىنداعى قويمالار اۋماعىندا جٷرگٸزٸلدٸ. تٶرت ادام ۇستالدى. ولار بۇرىن بوپسالاۋ جەنە بۇزاقىلىق ٷشٸن سوتتالعان. ۇرلانعان ازامات امان-ەسەن بوساتىلدى. ونى قاتتى سوققىعا جىققان جەنە وعان مەديتسينالىق كٶمەك قاجەت بولدى. جەبٸرلەنۋشٸنٸڭ ايتۋىنشا, بەيتانىس ادامدار ونى بوساتۋ ٷشٸن 200 مىڭ دوللار تالاپ ەتكەن, ەيتپەسە گەروينى بار ينەكتسييا ەنگٸزەمٸز دەپ قورقىتقان", - دەيدٸ الماتى قالالىق پوليتسييا دەپارتامەنتٸ باستىعىنىڭ ورىنباسارى ديدار احانوۆ.
قىلمىستىڭ ناقتى سەبەبٸ قر قك-نٸڭ 125-بابى 2-بٶلٸگٸمەن تٸركەلدٸ.
سوتالدى تەرگەۋ بارىسىندا ٸستٸڭ مەن-جايى بەلگٸلٸ بولادى. كٷدٸكتٸلەر قاماۋعا الىندى.
