Almatydaǵy A-Parking basshylaryna qatysty sotaldy tergeý bastaldy. Bul týraly Qarjy monitoringi agenttigi ókili aitty, - dep habarlaidy Tengrinews.kz.
"Almaty qalasy boiynsha Qarjy monitoringi agenttiginiń aýmaqtyq departamenti "Almaty turaǵy" (A-Parking) jobasyna jaýapty tulǵalarǵa qatysty asa iri mólsherde biýdjet qarajatyn jymqyrdy degen kúdikpen sotaldy tergeýdi bastady", - delingen habarlamada.
Vedomstvo málimetinshe, qalanyń tergeý soty JShS basshysyna eki ai merzimge qamaýda ustaý túrindegi bultartpaý sharasyn sanktsiialaǵan.
"QIJK-niń 201-baby boiynsha ózge aqparat tergeý múddesine sai jariialanbaidy", - dep tolyqtyrdy agenttik ókili.
Buǵan deiin Almatyda A-parking aqyly avtoturaqtar operatory sanalatyn Alan Parking kompaniiasynyń direktory Muhtar Bazarbaev qamaýǵa alynǵany habarlanǵan bolatyn.
Byltyr jeltoqsanda Qairat Boranbaev ielik etetin RR2 kompaniiasy Alan Parking firmasynan 30 paiyz úles satyp alǵan. Buǵan deiin aqyly avtoturaqtardyń operatory memleketke tiesili bolǵan.
