الماتىداعى A-Parking باسشىلارىنا قاتىستى سوتالدى تەرگەۋ باستالدى. بۇل تۋرالى قارجى مونيتورينگٸ اگەنتتٸگٸ ٶكٸلٸ ايتتى, - دەپ حابارلايدى Tengrinews.kz.
"الماتى قالاسى بويىنشا قارجى مونيتورينگٸ اگەنتتٸگٸنٸڭ اۋماقتىق دەپارتامەنتٸ "الماتى تۇراعى" (A-Parking) جوباسىنا جاۋاپتى تۇلعالارعا قاتىستى اسا ٸرٸ مٶلشەردە بيۋدجەت قاراجاتىن جىمقىردى دەگەن كٷدٸكپەن سوتالدى تەرگەۋدٸ باستادى", - دەلٸنگەن حابارلامادا.
ۆەدومستۆو مەلٸمەتٸنشە, قالانىڭ تەرگەۋ سوتى جشس باسشىسىنا ەكٸ اي مەرزٸمگە قاماۋدا ۇستاۋ تٷرٸندەگٸ بۇلتارتپاۋ شاراسىن سانكتسييالاعان.
"قٸجك-نٸڭ 201-بابى بويىنشا ٶزگە اقپارات تەرگەۋ مٷددەسٸنە ساي جارييالانبايدى", - دەپ تولىقتىردى اگەنتتٸك ٶكٸلٸ.
بۇعان دەيٸن الماتىدا A-parking اقىلى اۆتوتۇراقتار وپەراتورى سانالاتىن Alan Parking كومپانيياسىنىڭ ديرەكتورى مۇحتار بازارباەۆ قاماۋعا الىنعانى حابارلانعان بولاتىن.
بىلتىر جەلتوقساندا قايرات بورانباەۆ يەلٸك ەتەتٸن RR2 كومپانيياسى Alan Parking فيرماسىنان 30 پايىز ٷلەس ساتىپ العان. بۇعان دەيٸن اقىلى اۆتوتۇراقتاردىڭ وپەراتورى مەملەكەتكە تيەسٸلٸ بولعان.
