Foto: Polisia.kz
Almatyda jalǵyz turatyn 81 jastaǵy zeinetkerdi urlap, múlkin zańsyz iemdenbek bolǵan kúdiktiler qolǵa tústi. Bul týraly Polisia.kz portaly habarlady.
Oqiǵa Túrksib aýdanynda tirkelgen. Qariianyń joǵalyp ketkeni týraly politsiiaǵa onyń tanysy habar bergen. Jedel izdestirý sharalary barysynda zeinetker qala mańyndaǵy eldi mekenderdiń birinen, jergilikti turǵyndardyń úiinen tabyldy.
Tergeý málimetinshe, kúdiktiler jábirlenýshiniń senimine kirip, onyń jalǵyz turatynyn paidalanyp, bas bostandyǵyn shektegen. Olar zeinetkerdi qorqytyp nemese aldap, jyljymaityn múlkin óz atyna rásimdeýge kóndirmek bolǵan.
Adam urlaý deregi boiynsha qylmystyq is qozǵaldy. Kúdikke ilingen eki er adam men bir áiel ýaqytsha ustaý izoliatoryna qamaldy.
Túrksib aýdandyq politsiia basqarmasynyń bastyǵy Dýman Aýhadievtiń aitýynsha, azamattardyń der kezinde habar berýi men politsiianyń jedel áreketi aýyr qylmystyń aldyn alýǵa múmkindik bergen.
Qazirgi ýaqytta oqiǵanyń barlyq mán-jaiy jan-jaqty tekserilip, ár kúdiktiniń is-áreketine quqyqtyq baǵa berilýde.
