Almatyda 8 jasar qyzdy tonaǵan kúdikti ustaldy, dep habarlaidy QazAqparat.
Almaty qalalyq politsiia departamentiniń málimetinshe, atalǵan qylmysqa qatysty aryz kishkentai qyzdyń anasynan túsken.
Áieldiń aitýynsha, qaladaǵy dárihanalardyń birinde belgisiz er adam onyń kishkentai qyzynyń qulaǵyndaǵy syrǵasyn sheship alǵan.
«Kúdiktiniń is-áreketi beinebaqylaý kameralaryna túsip qalǵan. Beinejazbadan er adamnyń oqýshy qyzdyń qulaǵyndaǵy syrǵasyn qalai sheship alyp jatqanyn kórýge bolady. Jedel-izdestirý is-sharalaryn júrgizý barysynda bizdiń bólimsheniń qyzmetkerleri 49 jastaǵy K. esimdi qala turǵynyn ustady. Kúdikti qylmysyn moiyndady», – dedi Áýezov aýdandyq PB janyndaǵy politsiia bóliminiń bastyǵy Elnur Qudiretbaev.
Atalǵan derek boiynsha QR QK-niń 191-baby 1-bóligi boiynsha qylmystyq is qozǵaldy.
