Almatyda jeti jasar qyzdy sheshindirmek bolǵan 19 jastaǵy jigit ustaldy, dep habarlaidy "Ult aqparat" Polisia.kz portalyna silteme jasap
Oqiǵa túski saǵat 13:00-de Túrksib aýdanyndaǵy úilerdiń birinde bolǵan.
«7 jastaǵy qyz dúkennen úiine kirip kele jatqan. Onyń artynan er adam qosa kiredi. Balany qolyna alyp, baspaldaqpen qaitadan tómenge túsedi. Keiin ony kameraǵa túspeitin qýysqa alyp kirgeni kórinedi. Onda er adam balany sheshindirip, tiise bastaǵan. Bala qashyp shyǵady. Úiine kelip, bolǵan jaǵdaidy anasyna aityp bergen. Anasy birden politsiiaǵa habarlasty. Bul qylmysty «izin sýytpai» ashýǵa kómektesti», - dedi Almaty qalasy Politsiia departamenti bastyǵynyń orynbasary Rýstam Ábdirahmanov.
Kúdikti qamaýǵa alyndy. Bul 2002 jyly týǵan F.esimdi azamat. Er adamnyń aqyl-esi kem dep esepte turǵany anyqtaldy. Ol sol aýdanda turady.
«Bul fakt sotqa deiingi tergeýdiń biryńǵai tiziliminde QR QK-niń 124-baby 1-bóligi boiynsha tirkelgen. Qylmystyq ister boiynsha tiisti tergeý sharalary men saraptamalyq zertteýler júrgizilýde», – dedi Ábdirahmanov.
