الماتىدا جەتٸ جاسار قىزدى شەشٸندٸرمەك بولعان 19 جاستاعى جٸگٸت ۇستالدى, دەپ حابارلايدى "ۇلت اقپارات" Polisia.kz پورتالىنا سٸلتەمە جاساپ
وقيعا تٷسكٸ ساعات 13:00-دە تٷركسٸب اۋدانىنداعى ٷيلەردٸڭ بٸرٸندە بولعان.
«7 جاستاعى قىز دٷكەننەن ٷيٸنە كٸرٸپ كەلە جاتقان. ونىڭ ارتىنان ەر ادام قوسا كٸرەدٸ. بالانى قولىنا الىپ, باسپالداقپەن قايتادان تٶمەنگە تٷسەدٸ. كەيٸن ونى كامەراعا تٷسپەيتٸن قۋىسقا الىپ كٸرگەنٸ كٶرٸنەدٸ. وندا ەر ادام بالانى شەشٸندٸرٸپ, تيٸسە باستاعان. بالا قاشىپ شىعادى. ٷيٸنە كەلٸپ, بولعان جاعدايدى اناسىنا ايتىپ بەرگەن. اناسى بٸردەن پوليتسيياعا حابارلاستى. بۇل قىلمىستى «ٸزٸن سۋىتپاي» اشۋعا كٶمەكتەستٸ», - دەدٸ الماتى قالاسى پوليتسييا دەپارتامەنتٸ باستىعىنىڭ ورىنباسارى رۋستام ەبدٸراحمانوۆ.
كٷدٸكتٸ قاماۋعا الىندى. بۇل 2002 جىلى تۋعان ف.ەسٸمدٸ ازامات. ەر ادامنىڭ اقىل-ەسٸ كەم دەپ ەسەپتە تۇرعانى انىقتالدى. ول سول اۋداندا تۇرادى.
«بۇل فاكت سوتقا دەيٸنگٸ تەرگەۋدٸڭ بٸرىڭعاي تٸزٸلٸمٸندە قر قك-نٸڭ 124-بابى 1-بٶلٸگٸ بويىنشا تٸركەلگەن. قىلمىستىق ٸستەر بويىنشا تيٸستٸ تەرگەۋ شارالارى مەن ساراپتامالىق زەرتتەۋلەر جٷرگٸزٸلۋدە», – دەدٸ ەبدٸراحمانوۆ.
