Almatyda bilbordtardy ornalastyrý úshin zańsyz berilgen 649 jer ýchaskesi memleket menshigine qaitaryldy, dep habarlaidy ult.kz.
Qala prokýratýrasynyń málimetinshe, 2004-2020 jyldary Almaty ákimdigi jalpy paidalanýdaǵy jerlerdi tiisti tizimnen zańsyz shyǵaryp, olardy bilbordtardy ornalastyrý jáne qyzmet kórsetý úshin saýda-sattyqsyz jeke menshikke bergen.
Osylaisha, jer ýchaskeleri jer zańnamasynyń talaptaryn buza otyryp jeke menshikke satylǵan.
Almaty prokýratýrasynyń usynýy negizinde Jer resýrstaryn basqarý departamenti sotqa talap-aryz bergen. Sot talapty qanaǵattandyrdy.
Nátijesinde joldyń bólingen beldeýinde ornalasqan, jalpy aýmaǵy 0,298 gektar bolatyn 649 jer ýchaskesi memleket menshigine qaitaryldy.
Buǵan deiin Atyraý oblysynda 500 gektar aýyl sharýashylyǵy jeriniń memleket menshigine qaitarylǵany habarlanǵan bolatyn.
