Almatyda 6 jasar bala "Mainkraft" oiynynyń saldarynan aýrýhanaǵa túsken. Bul týraly balalar psihiatry Olga Aleksandrova aitty, - dep habarlaidy Massaget.kz portaly.
"Ol kezde bala 6 jasta edi. Ol osy oiyndy oinap, sodan keiin YouTube kórgen. Aqyr aiaǵynda balada qorqynysh paida boldy, túnde uiyqtai almady. Bul oiyn ony qorqyta bastady. Uiyqtai almady, múlde tamaq jemedi. Tiisinshe, balanyń psihikasy nasharlai bastady. Ata-anasy ony bizge emdeýge alyp keldi. Biz oǵan dári-dármek berdik, psihologtar jumys istedi. Onyń júike júiesi qalypqa kele bastady", - dedi dáriger.
Psihiatr balalarǵa arnalǵan gadjetterdiń ziiany týraly aitty. Mamannyń sózinshe, keiingi jyldary smartfon oiyndaryna shamadan tys qumarlyq saldarynan kishkentai balalardyń damýy tejeýildep qalǵan jaǵdai jiilep ketken.
"Dáriger retinde balany oiyndardan shekteýge keńes beremin. Qazir aýtizmge shaldyqqandar sany artqany aitylyp júr. Ata-ana balaǵa qansha aidan bastap telefon beretinin bilesiz be? Jórgekten bastap. Nelikten ol sóilep úirenedi? Ol sol virtýaldy álemde ómir súredi, oǵan sol álem áldeqaida qyzyq bolsa, ol nege odan ári damyǵysy keledi? Bul jerde aýtizm emes, telefonǵa táýeldilik", - deidi balalar psihiatry.
