الماتىدا 6 جاسار بالا "ماينكرافت" ويىنىنىڭ سالدارىنان اۋرۋحاناعا تٷسكەن. بۇل تۋرالى بالالار پسيحياترى ولگا الەكساندروۆا ايتتى, - دەپ حابارلايدى Massaget.kz پورتالى.
"ول كەزدە بالا 6 جاستا ەدٸ. ول وسى ويىندى ويناپ, سودان كەيٸن YouTube كٶرگەن. اقىر اياعىندا بالادا قورقىنىش پايدا بولدى, تٷندە ۇيىقتاي المادى. بۇل ويىن ونى قورقىتا باستادى. ۇيىقتاي المادى, مٷلدە تاماق جەمەدٸ. تيٸسٸنشە, بالانىڭ پسيحيكاسى ناشارلاي باستادى. اتا-اناسى ونى بٸزگە ەمدەۋگە الىپ كەلدٸ. بٸز وعان دەرٸ-دەرمەك بەردٸك, پسيحولوگتار جۇمىس ٸستەدٸ. ونىڭ جٷيكە جٷيەسٸ قالىپقا كەلە باستادى", - دەدٸ دەرٸگەر.
پسيحياتر بالالارعا ارنالعان گادجەتتەردٸڭ زييانى تۋرالى ايتتى. ماماننىڭ سٶزٸنشە, كەيٸنگٸ جىلدارى سمارتفون ويىندارىنا شامادان تىس قۇمارلىق سالدارىنان كٸشكەنتاي بالالاردىڭ دامۋى تەجەۋٸلدەپ قالعان جاعداي جيٸلەپ كەتكەن.
"دەرٸگەر رەتٸندە بالانى ويىنداردان شەكتەۋگە كەڭەس بەرەمٸن. قازٸر اۋتيزمگە شالدىققاندار سانى ارتقانى ايتىلىپ جٷر. اتا-انا بالاعا قانشا ايدان باستاپ تەلەفون بەرەتٸنٸن بٸلەسٸز بە? جٶرگەكتەن باستاپ. نەلٸكتەن ول سٶيلەپ ٷيرەنەدٸ? ول سول ۆيرتۋالدى ەلەمدە ٶمٸر سٷرەدٸ, وعان سول ەلەم ەلدەقايدا قىزىق بولسا, ول نەگە ودان ەرٸ دامىعىسى كەلەدٸ? بۇل جەردە اۋتيزم ەمەس, تەلەفونعا تەۋەلدٸلٸك", - دەيدٸ بالالار پسيحياترى.
