5G jelisi Almatyda qazir belgili bir aimaqtarda ǵana qoljetimdi. Bul týraly brifing barysynda qalalyq Tsifrlandyrý basqarmasynyń basshysy Baian Qońyrbaev aitty, dep habarlaidy QazAqparat.
Basqarma basshysynyń sózinshe, memleket testileýge arnalǵan jiilik diapazonyn ulǵaitýǵa múmkindik bergen. Al ary qarai jeli ustaityn aýmaqty keńeitý uialy bailanys operatorlarynyń qolynda. «Eger tutynýshyǵa trafik kólemin odan ári arttyrý qajet bolsa, ol bailanys operatorlaryna júginedi. Búgingi kúni biz Smart Point, Medeý, Shymbulaq, Kóktóbe, «Káýsar» biznes ortalyǵy jáne halyq kóp jinalatyn taǵy eki núktede 5G jelisin synaqtan ótkizdik», - dedi ol. Ol sondai-aq 5G densaýlyqqa ziian dep sanaityn turǵyndarǵa júgindi «Shyn máninde, biz engizip jatqan jańa tehnologiialar barlyq talapqa sai. Mindetti túrde sanitarlyq-epidemiologiialyq normalarǵa sáikes bolýyn qadaǵalaimyz», - dep qosty ol.
