Almatyda 5600-den astam adam ýaqytsha jumysqa ornalastyryldy, dep habarlaidy "Ult aqparat".
Mundai málimetter Almaty qalasy máslihatynyń saitynda az qamtylǵan otbasylarǵa qoldaý kórsetýdiń «ISKER ANA» aimaqtyq baǵdarlamasyn bekitý týraly sheshiminde aitylǵan.
Qujatta kórsetilgendei, biyl 5,6 myńnan astam adam ýaqytsha jumysqa ornalasty. Onyń ishinde kópbalaly otbasynan shyqqan 702 adam - qoǵamdyq jumysqa, 401 adam - áleýmettik jumys oryndaryna, 618 adam - jastar praktikasyna jiberildi.
Sonymen qatar, jumyspen qamtý máselesin sheshý úshin «ISKER ANA» baǵdarlamasy iske qosyldy.
Baǵdarlamanyń missiiasy - jumyssyzdyqty azaitý, az qamtamasyz etilgen analardyń turmystyq jaǵdaiyn jaqsartýǵa járdemdesý. Maqsaty – áleýmettik jaǵynan az qamtylǵan analarǵa biznes-trenerler uiymdastyrý, kásipkerlik negizderin oqytý jáne marketingti qalai jasaý kerektigin úiretý. Sonymen qatar, baǵdarlamanyń basty mindeti - analarǵa óz kásibin ashýǵa kómektesý.
Oqytý úkimettik emes uiymdardyń áleýmettik tapsyrysy boiynsha nátijeli jumyspen qamtýdy jáne jappai kásipkerlikti damytýdyń 2017 – 2021 jyldarǵa arnalǵan «Eńbek» memlekettik baǵdarlamasy aiasynda júzege asyrylady.
