Almatynyń bas memlekettik sanitarlyq dárigeri Jandarbek Bekshin megapoliste «omikron» shtamy qashan paida bolady degen suraqqa jaýap berdi, dep habarlaidy QazAqparat.
«Bul suraqqa, árine, jaýap berý múmkin emes. Keletini anyq. Biraq, qai ýaqytta ekenin bilmeimiz. Biz dúniejúzilik densaýlyq saqtaý uiymy maquldaǵan derekterdi ǵana paidalanamyz. «Omikrondy» boljaityn resmi derekter joq», - dedi ol.
Jandarbek Bekshinniń aitýynsha, búginde qala boiynsha omikron shtamyna monitoring júrgizip jatyr.
«Mysaly 3 jeltoqsanda Nur-Sultanǵa 53 synama jiberdik. Ondaǵy maqsatymyz - sol synamalarda omikron shtamy bar-joǵyn anyqtaý. Nátijesi eki-úsh kúnde daiyn bolýy kerek. Sondyqtan omikron bizdiń elimizde anyqtalǵanyn nemese anyqtalmaǵanyn aitý erte. 3 jeltoqsannan beri zertteýde tur», - deidi qalanyń bas sanitar dárigeri.
