الماتىنىڭ باس مەملەكەتتٸك سانيتارلىق دەرٸگەرٸ جانداربەك بەكشين مەگاپوليستە «وميكرون» شتامى قاشان پايدا بولادى دەگەن سۇراققا جاۋاپ بەردٸ, دەپ حابارلايدى قازاقپارات.
«بۇل سۇراققا, ەرينە, جاۋاپ بەرۋ مٷمكٸن ەمەس. كەلەتٸنٸ انىق. بٸراق, قاي ۋاقىتتا ەكەنٸن بٸلمەيمٸز. بٸز دٷنيەجٷزٸلٸك دەنساۋلىق ساقتاۋ ۇيىمى ماقۇلداعان دەرەكتەردٸ عانا پايدالانامىز. «وميكروندى» بولجايتىن رەسمي دەرەكتەر جوق», - دەدٸ ول.
جانداربەك بەكشيننٸڭ ايتۋىنشا, بٷگٸندە قالا بويىنشا وميكرون شتامىنا مونيتورينگ جٷرگٸزٸپ جاتىر.
«مىسالى 3 جەلتوقساندا نۇر-سۇلتانعا 53 سىناما جٸبەردٸك. ونداعى ماقساتىمىز - سول سىنامالاردا وميكرون شتامى بار-جوعىن انىقتاۋ. نەتيجەسٸ ەكٸ-ٷش كٷندە دايىن بولۋى كەرەك. سوندىقتان وميكرون بٸزدٸڭ ەلٸمٸزدە انىقتالعانىن نەمەسە انىقتالماعانىن ايتۋ ەرتە. 3 جەلتوقساننان بەرٸ زەرتتەۋدە تۇر», - دەيدٸ قالانىڭ باس سانيتار دەرٸگەرٸ.
