Almaty ákimi Baqytjan Saǵyntaev jumys sapary kezinde almatylyqtardyń ómir súrý sapasyn jaqsartý úshin salynyp jatqan infraqurylymdyq jobalarmen tanysty, dep habarlaidy "Ult aqparat".
Qala ákimi B. Saǵyntaev óziniń Instagram-daǵy akkaýntynda jol airyqtary, elektr podstantsiialary men sý qabyldaityn stantsiialardy salý boiynsha jumystardyń barysyn tekserý týraly aitty.
«Seifýllin dańǵyly men Jansúgirov kóshesindegi jolairyqtyń qurylysy jalǵasýda. Biyl munda kólik qozǵalysyn ashý úshin tiisti sharalardy qolǵa alýdy tapsyrdym. Osylaisha Seifýllin dańǵylynyń kólik ótkizý qabileti 15-20%-ǵa, Jansúgirov kóshesinde 10-15%-ǵa ósedi», – dep jazdy Baqytjan Saǵyntaev.
Onyń aitýynsha, Bostandyq aýdanynda 110 kV-tyq «Almagúl» qosalqy stansasy salynyp jatyr. Ol qalanyń ońtústik bóliginde salynyp jatqan jańa turǵyn úi keshenderine qajet qosymsha 100 MVt elektr energiiasymen qamtamasyz etýge múmkindik beredi. Bul shamamen 200 myń tutynýshyǵa energiia jetkizedi.
Budan ózge «Han Táńiri» yqshamaýdanynda boi kóterip jatqan 110 kV-tyq taǵy bir qosalqy stansa eskirgen jelilerdi aýystyrýǵa múmkindik berip qana qoimai, elektr energiiasyna 64 MVt ósim beredi. «Alataý», «Nurlytaý», «Ermensai», «Jailaý» yqshamaýdandaryn energiiamen qamtamasyz etý jaǵy jaqsarady. Bul qosylǵan aýmaqtardyń shamamen 250 myń tutynýshysyn qamtidy.
«Naýryzbai aýdanynyń 50 myńǵa jýyq turǵynyn sapaly aýyz sýmen qamtamasyz etý úshin «Qarǵaly» sý tartý jáne súzgi stansalarynyń qurylysy júrip jatyr. Biyl bul stansany tórt yqshamaýdanmen bailanystyratyn magistraldyq jelilerdiń qurylysy bastalady», - dedi Almaty ákimi Baqytjan Saǵyntaev.
