الماتى ەكٸمٸ باقىتجان ساعىنتاەۆ جۇمىس ساپارى كەزٸندە الماتىلىقتاردىڭ ٶمٸر سٷرۋ ساپاسىن جاقسارتۋ ٷشٸن سالىنىپ جاتقان ينفراقۇرىلىمدىق جوبالارمەن تانىستى, دەپ حابارلايدى "ۇلت اقپارات".
قالا ەكٸمٸ ب. ساعىنتاەۆ ٶزٸنٸڭ Instagram-داعى اككاۋنتىندا جول ايرىقتارى, ەلەكتر پودستانتسييالارى مەن سۋ قابىلدايتىن ستانتسييالاردى سالۋ بويىنشا جۇمىستاردىڭ بارىسىن تەكسەرۋ تۋرالى ايتتى.
«سەيفۋللين داڭعىلى مەن جانسٷگٸروۆ كٶشەسٸندەگٸ جولايرىقتىڭ قۇرىلىسى جالعاسۋدا. بيىل مۇندا كٶلٸك قوزعالىسىن اشۋ ٷشٸن تيٸستٸ شارالاردى قولعا الۋدى تاپسىردىم. وسىلايشا سەيفۋللين داڭعىلىنىڭ كٶلٸك ٶتكٸزۋ قابٸلەتٸ 15-20%-عا, جانسٷگٸروۆ كٶشەسٸندە 10-15%-عا ٶسەدٸ», – دەپ جازدى باقىتجان ساعىنتاەۆ.
ونىڭ ايتۋىنشا, بوستاندىق اۋدانىندا 110 كۆ-تىق «الماگٷل» قوسالقى ستانساسى سالىنىپ جاتىر. ول قالانىڭ وڭتٷستٸك بٶلٸگٸندە سالىنىپ جاتقان جاڭا تۇرعىن ٷي كەشەندەرٸنە قاجەت قوسىمشا 100 مۆت ەلەكتر ەنەرگيياسىمەن قامتاماسىز ەتۋگە مٷمكٸندٸك بەرەدٸ. بۇل شامامەن 200 مىڭ تۇتىنۋشىعا ەنەرگييا جەتكٸزەدٸ.
بۇدان ٶزگە «حان تەڭٸرٸ» ىقشاماۋدانىندا بوي كٶتەرٸپ جاتقان 110 كۆ-تىق تاعى بٸر قوسالقى ستانسا ەسكٸرگەن جەلٸلەردٸ اۋىستىرۋعا مٷمكٸندٸك بەرٸپ قانا قويماي, ەلەكتر ەنەرگيياسىنا 64 مۆت ٶسٸم بەرەدٸ. «الاتاۋ», «نۇرلىتاۋ», «ەرمەنساي», «جايلاۋ» ىقشاماۋداندارىن ەنەرگييامەن قامتاماسىز ەتۋ جاعى جاقسارادى. بۇل قوسىلعان اۋماقتاردىڭ شامامەن 250 مىڭ تۇتىنۋشىسىن قامتيدى.
«ناۋرىزباي اۋدانىنىڭ 50 مىڭعا جۋىق تۇرعىنىن ساپالى اۋىز سۋمەن قامتاماسىز ەتۋ ٷشٸن «قارعالى» سۋ تارتۋ جەنە سٷزگٸ ستانسالارىنىڭ قۇرىلىسى جٷرٸپ جاتىر. بيىل بۇل ستانسانى تٶرت ىقشاماۋدانمەن بايلانىستىراتىن ماگيسترالدىق جەلٸلەردٸڭ قۇرىلىسى باستالادى», - دەدٸ الماتى ەكٸمٸ باقىتجان ساعىنتاەۆ.
